हेम प्रसाद पासवान पुस १२ । सिरहाको धनगढीमाई १४ को अनुहार फेरिन थालेको देखिन्छ ।
सिराहा जिल्लाको विकट मानिएको धनगढीमाई १४ का बस्तीहरू मड्यान, पल्लार, महाजनी, खुट्टी, अमले, गागन लगायतका दुर्गम बस्तीहरुमा यतिबेला विद्युत खाम्भा गाडे सँगै वाइरिङको काम भइरहेको अवस्था रहेको देखिन्छ ।
बाटो घाटो तथा बिजुली बत्तीको सास्ति भोग्दै आएका स्थानीयको अनुहारमा बिजुली उज्यालो आउने पक्का भएपछि स्थानिय खुशी भएका छन् ।
वडा अध्यक्ष अमित ठकुरी निर्वाचित भएपछि स्थानिय स्तरमा सकारात्मक परिवर्तनहरू देखिन थालेको स्थानीयको बुझाई रहेको छ ।
भौतिक निर्माण र विकासका लागि कटिबद्ध भएर लागेका अध्यक्षको एकातिर विहिबारेमा पुल निर्माणको काम आगाडी बढ्नु र अर्कोतिर विजुलीको काम बढ्नुले स्थानिय जनतामा खुशी छाएको अवस्था रहेको पाइन्छ ।
दूरदर्शी वडा अध्यक्षको रूपमा नगरमा कहलिएका अध्यक्ष अमित ठकुरीले आफ्ना भावी योजनालाई नजिकबाट नियाल्दै विकासका लहरहरु उनको कार्यकालमा आगाडी बढ्नुले आम जनतामा भरोसा र खुशी पलाएको अवस्था रहेको पाइन्छ ।
विकट गाउँहरूमा आफैं पुगेर सामाजिक सुरुक्षा भत्ताको लागि उनले बनाएका सहज वातावरणले गर्दा उनलाई चौतर्फी विकासका पारखी भनेर समेत चिन्न थालेको देखिन्छ ।
